Bakı Su İnnovasiya Forumuna qeydiyyat davam edir
Azərbaycanda ilk dəfə keçiriləcək “Bakı Su İnnovasiya Forumu” (Water Innovation Baku) ”GƏLƏCƏK ÜÇÜN SU” şüarı ilə 17 may 2022-ci il tarixində sudan səmərəli istifadə, bu sahədə optimal həll yolları və mütərəqqi texnologiyalardan istifadə, çirkab (tullantı) suların idarəedilməsi, təkrar emalı və ətraf mühitə təsirləri, suyun keyfiyyətinin idarəedilməsi, ölçü və nəzarət texnologiyaları mövzularını gündəmə gətirəcəkdir.
Forum ölkəmizdə sudan səmərəli istifadəni təşviq etmək, çirkab (tullantı) suların təkrar emalı vasitəsi ilə ətraf mühitə olan neqativ təzyiqlərin azaldılması, bu sahədə olan effektiv və mütərəqqi texnologiyaların öyrənilməsi və tətbiqi məqsədilə həyata keçiriləcəkdir.
“AquaLink” MMC-nin təşkilatçılığı, Nijhuis Saur Industries,“A. O. Smith” və “Hach” şirkətlərinin dəstəyi ilə keçiriləcək tədbirdə “A.O. Smith Water Technology Turkey”-in əməliyyat üzrə direktoru Aşkın Aksu, “A.O Smith Water Technology INC.”-in layihə satış meneceri Cem Abdullahoğlu, “Nijhuis Saur İndustries”-in satış direktoru Emiel Koster, “Nijhuis Industries B.V. Russia and CIS”-in regional direktoru Dmitry Molokanov, “Nijhuis Industries Kazakhstan and CIS”-in nümayəndəsi Aigul Nurmagambetova, “VORTEX Water Engineering” şirkətinin qurucusu və direktoru, “HACH” şirkətinin Gürcüstan üzrə regional nümayəndəsi Archil Nasrasvilli, bundan əlavə Kənd Təsərrüfatı, Ekologiya və Təbii Sərvətlər, Səhiyyə nazirliklərindən, Meliorasiya və su təsərrüfatı ASC, “AZƏRSU” ASC-nin nümayəndələrinin mövzu üzrə çıxışları və təqdimatları nəzərdə tutulub.
Forumda iştirak sayı limitli və ödənişsizdir. İştirak üçün wifbaku.az saytına daxil olaraq qeydiyyatdan keçə bilərsiniz. Yalnız qeydiyyatdan keçmiş və bilet əldə etmiş şəxslərin iştirakına icazə veriləcəkdir
Bakı Su İnnovasiya Forumu barədə ətraflı məlumatı tədbirin rəsmi internet səhifəsindən (www.wifbaku.az) əldə edə və iştirak üçün qeydiyyatdan keçə bilərsiniz.
Qeyd edək ki, "Berpaolunanenerji.az" forumun rəsmi media tərəfdaşıdır.
Rəylər (0):