Cəbrayılda 240 MVt-lıq günəş elektrik stansiyanın tikintisi üzrə araşdırma işləri davam etdirilir
Bu ilin sonunadək Azərbaycanın işğaldan azad edilən torpaqlarının bütün ərazisini elektrik enerjisi ilə təmin etmək əsas hədəflərdən biridir.
"Berpaolunanenerji.az"ın məlumatına görə, bunu 1-ci Azərbaycan Beynəlxalq "Qarabağın Bərpa, Yenidənqurma və İnkişafı" ("Rebuild Karabakh") və 26-cı Azərbaycan Beynəlxalq İnşaat ("BakuBuild 2021") sərgilərinin açılışında çıxış edən energetika nazirinin müavini Elnur Soltanov deyib.
O həmçinin əlavə edib ki, beynəlxalq investorlar tərəfindən Cəbrayıl rayonunda 240 meqavatlıq günəş elektrik stansiyanın tikintisi üzrə araşdırma işləri davam etdirilir və Laçın-Kəlbəcər zonasında 100 meqavatlıq külək enerjisi ilə əlaqədar maraq sorğusu artıq investorlara göndərilib.
Rəylər (0):