Energetika Nazirliyi: "İşğalçılar əraziləri tərk edərkən 34 KSES-i yararsız hala salıb"
Kiçik Su Elektrik Stansiyaların (KSES) tədqiqi üçün Qubadlı, Laçın, Kəlbəcər rayonlarına təşkil edilmiş çoxsaylı ekspedisiyalarda işğaldan azad edilmiş (o cümlədən sülhməramlıların yerləşdirildiyi ərazilər də daxil olmaqla) ərazilərdə 156 MVt-ı (41 ədəd) KSES-ləri olmaqla ümumilikdə gücü 241,3 MVt olan 45 stansiya müəyyən olunmuşdur.
“Berpaolunanenerji.az”ın məlumatına görə, bu barədə Energetika Nazirliyi tərəfindən 2021-ci ildə görülmüş işlərə dair hesabatda deyilir.
Məlum olmuşdur ki, 34 stansiyanı işğalçılar əraziləri tərk edərkən yararsız hala salmışdır.
Buna baxmayaraq stansiyalardan ümumi gücü 15.8 MVt olan 3 KSES - Güləbird, Suqovuşan-1 və Suqovuşan-2 stansiyaları bərpa edilmişdir.
KSES-lə bağlı əksər stansiyaların su qəbuledici hissəsi, generator binasının koordinatları və müvafiq olaraq su basqısının hesablanması üçün hündürlük fərqləri müəyyən edilmişdir.
Rəylər (0):