“Masdar”ın Səudiyyə Ərəbistanında inşa etdiyi KES şəbəkəyə qoşulub

• 12.09.2021 14:43
• 519

“Masdar” və "EDF Renewables" tərəfindən Səudiyyə Ərəbistanında inşa edilən 400 MVt gücündəki “Dumat-əl-Candal” Külək Elektrik Stansiyası (KES) şəbəkəyə qoşulub.

“Berpaolunanenerji.az” xəbər verir ki, bu barədə “Masdar” açıqlama yayıb.

Səudiyyə Ərəbistanının ilk iri miqyaslı, Orta Şərqin isə ən böyük külək elektrik stansiyası ölkənin Əl-Cauf bölgəsində yerləşir. Stansiyanın 70 minə qədər evin elektrik ehtiyacını qarşılayacağı gözlənilir.

Stansiyada Danimarkanın külək turbini istehsalçısı “Vestas”ın 2 MVt gücündəki 99 ədəd V150-4 model turbinlərindən istifadə edilib.

Qeyd edək ki, “Masdar” və "EDF Renewables", 500 milyon dollar dəyərindəki layihəni Bərpaolunan Enerji Layihə İnkişafı Ofisi (REPDO) tərəfindən 2019-cu ildə elan edilən tenderdə 21,3 dollar/meqavat-saat təkliflə qalib gəlmişdi. Əlavə edək ki, daha sonra qiymət 19,9 dollar/meqavat-saata endirilmişdi.

• külək enerjisi
• Masdar