Dünyanın məşhur araşdırma şirkəti “Wood Mackenzie”nin araşdırmasına görə, Asiya-Sakit okean bölgəsində günəş enerjisinin qoyuluş gücünün üç qat artacaq.
Bu barədə “Berpaolunanenerji.az” şirkətə istinadən xəbər verir.
Şirkətin araşdırmasında, Asiya-Sakit okean bölgəsində günəş enerjisinin qoyuluş gücünün 2030-cu ilə qədər üç qat artaraq 1.500 QVt-a çatacağı bildirilir.
Araşdırmaya görə, bölgədə, qarşıdakı on ildə əlavə olunacaq ümumi qoyuluş gücündə günəş enerjisinin payının 51 % olacağı gözlənilir.
Şirkət rəsmisi Sin Tjanın sözlərinə görə, bölgədə ümumi elektrik enerjisi istehsalında günəş enerjisinin payı 2030-cu ildə 10 %-ə çatacaq (2020-ci ildə 4 %).
Araşdırmada, Çinin 2030-cu ilə qədər 619 QVt yeni günəş enerjisi gücü əlavə edəcəyi bildirilir.
Avstraliyada isə günəş enerjisinin payı 20 %-ə çataraq bölgədə ən yüksək paya sahib olacağı qeyd olunur. Avstraliyanı 15 %-lə Vyetnam, 13 %-lə Yaponiya izləyəcək.
“Wood Mackenzie”ə görə, İndoneziya on il ərzində ən sürətlə böyüyən günəş enerjisi bazarı olacaq. Hazırda sadəcə 300 MVt günəş enerjisi gücünə sahib ölkənin, 2030-cu ilə qədər 8,5 QVt qoyuluş gücünə çatacağı təxmin edilir.
Rəylər (0):